咩粗灘畔

星期日, 九月 04, 2005

對面個豪宅樓盤終於開售，首批入場費大拿拿成千萬一日賣晒！我又唔明豪宅鄰近地鐵點解會係賣點？！呢兩日出街覺得自己好Brad Pitt，邊行邊幻想自己落街買喜力。

呢個盤嘅話題性在於個名究竟點讀？上個禮拜仲有sales叫佢做都會澤！如果自住，都會宅都ok；如果投資，都會責真係睬溫過佢！睇埋佢個電視廣告都淨係自稱市區豪宅咩粗灘，咩粗？希望唔係財大氣粗！

又根據官方解話應該讀作"站"，因為日文解作"站"，既然如此仲乜要作過噉嘅名？有識日文嘅話嗰個字其實讀"Air-ki"；有"學者"話呢個字來自中文驛站個驛，所以應該讀作"亦"；最正都係有人話讀乜都得，因為呢個係新字！所以我覺得應該讀"喎"！反正撗睇掂睇呢度都好難叫做都會！！

市區豪宅喎！有時你敢講就有人信！所以我唔係根本吹水，係根本英俊！！

12:43 上午 | Permalink | E-mail this post